Úrslitin ráðast í Meistaradeild Evrópu á laugardaginn, þegar Liverpool og Real Madrid mætast í sjálfum úrslitaleiknum í París kl. 19:00. Leikurinn verður aðeins sýndur í beinni útsendingu á Viaplay.
Liverpool og Real Madrid mættust síðast í úrslitum Meistaradeildarinnar árið 2018, þar sem Real Madrid hafði betur. Aðdáendum Liverpool er enn í fersku minni umdeilt atvik þegar Sergio Ramos togaði Mohamed Salah niður snemma í leiknum, með þeim afleiðingum að Salah meiddist og þurfti að fara af velli skömmu síðar. Það er því óhætt að segja að Liverpool-menn eigi harma að hefna á laugardaginn.
„Úrslitaleikur Meistaradeildarinnar er einn stærsti íþróttaviðburður heims. Liverpool unnu Ensku bikarkeppnina og Enska deildarbikarinn en rétt misstu af Englandsmeistaratitlinum um síðustu helgi. Það er því mikið hungur í þeim að vinna nýkrýnda Spánarmeistara Real Madrid og hefna fyrir úrslitin í Meistaradeildinni 2018,“ segir Hjörvar Hafliðason, íþróttastjóri Viaplay á Íslandi.
Leikur LIverpool og Real Madrid er laugardaginn 28. maí kl. 19:00 og aðeins í beinni útsendingu á Viaplay. Auk Meistaradeildar Evrópu hafa áskrifendur Viaplay aðgang að öllum leikjum í Þjóðadeild Evrópu, Evrópukeppni félagsliða, Enska deildarbikarnum, þýsku Bundesligunni og fjölmörgum fleiri heimsklassaíþróttaviðburðum