FH hefur ekki tekið ákvörðun um það hvort Eggert Gunnþór Jónsson haldi áfram að spila eða verði settur til hliðar eftir nýjar vendingar í máli hans. Davíð Þór Viðarsson ræðir málið við Vísir.is
Fram kom í dag að búið væri að kæra niðurstöðu hérðassaksóknara um að fella niður mál þar sem Eggert og Aron Einar Gunnarsson voru kærðir fyrir nauðgun.
Konan lagði fram kæru síðasta haust og sakaði Aron og Eggert um að hafa nauðgað sér í kjölfar landsleiks í Kaupmannahöfn árið 2010. Héraðssaksóknari felldi málið niður fyrr í þessum mánuði.
Málið fer nú á borð ríkissaksóknara sem tekur málið fyrir og skoða hvaða skref í málinu skal taka.
„Við erum ekki búin að taka neina ákvörðun. Við vorum náttúrulega bara að fá að vita af þessu svo að það hefur ekki verið tekin nein ákvörðun,“ segir Davíð Þór Viðarsson, yfirmaður knattspyrnumála FH við Vísir.is
