Breiðablik er Íslandsmeistari karla árið 2022 eftir leik Stjörnunnar og Víkings sem fór fram á Samsung vellinum í kvöld.

Liðið mætti saman í kvöld í Smáranum og horfði á leik Stjörnunnar og Víkings. Karl Friðleifur Gunnarsson kom Víkingum yfir á 60. mínútu en Óskar Örn Hauksson og Daníel Laxdal tryggðu Stjörnunni sigur.

Úrslitin þýða að Breiðablik er á toppi deildarinnar með 57 stig, 11 stigum á undan bæði Víkingum og KA þegar þrjár umferðir eru eftir.

Það er því ekki möguleiki fyrir hin liðin að ná Blikum sem hafa verið besta lið mótsins í sumar.

Blikar fögnuðu vel og innilega saman í kvöld eins og sjá má hér að neðan.

Fallega stundin þegar Íslandsmeistaratitilinn lenti á Kópavogsvelli 🏆💚 pic.twitter.com/9SR7jjsT3r

— Breiðablik FC (@BreidablikFC) October 10, 2022