Jurgen Klopp, stjóri Liverpool, hefur ekki fengið versla í félagsskiptaglugganum hingað til en hann vill fá að kaupa leikmann Fulham áður en glugginn lokar 31 janúar.
Sá leikmaður heitir Fabio Carvalho en hann er 19 ára gamall miðjumaður. Hann hefur vakið athygli með Fulham á leiktíðinni og skorað 8 mörk og gefið 2 stoðsendingar í 18 leikjum.
Samningur hans við Fulham rennur út í sumar en Klopp vill reyna að kaupa leikmanninn í glugganum að því er segir í frétt The Athletic.
Aðrir fjölmiðlar á Englandi vilja þó meina að Klopp fái ekki pening í glugganum til að kaupa leikmenn en allt kapp hjá klúbbnum verður sett í að fá Mohamed Salah til að skrifa undir nýjan samning.