Vanda Sigurgeirsdóttir formaður KSÍ hefur skipað starfshóp sem á að skoða skýrslu ÍSI þar sem fjallað er um vinnubrögð KSÍ í tenglum við ásakanir á hendur landsliðsmanna.

Skýrsla ÍSÍ kom út seint á síðasta ári þar sem fjallað var ítarlega um þau mál er varðar málefni landsliðsmanna og ásakanir um kynferðisofbeldi.

KSÍ mun nú ætla að breyta og bæta innra skipulag sitt vegna skýrslunnar. „Vanda Sigurgeirsdóttir formaður KSÍ greindi stjórn frá viðræðum við ÍSÍ um skýrsluna. Vanda Sigurgeirsdóttir formaður KSÍ lagði fram þá tillögu að skipa þriggja manna starfshóp sem rýni þá þætti skýrslunnar sem snúa að innra skipulagi sambandsins. Vanda lagði fram þá tillögu að skipa Margréti Ákadóttur, Orra Hlöðversson og Valgeir Sigurðsson í starfshópinn. Stjórn samþykkti tillögu formanns;“ segir í fundargerð stjórnar KSÍ.

Margrét, Orri og Valgeir eiga öll sæti í stjórn KSÍ og munu nú leggja til breytingar á vinnubrögðum.