Pierre-Emerick Aubameyang framherji Arsenal er efins um það að ganga í raðir Al Hilal í Sádí Arabíu. Félagið vill krækja í framherjann frá Gabon.
Arsenal reynir sitt besta til að losna við Aubameyang sem hefur ekki fengið tækifæri eftir að hann braut agareglur félagsins í desember.
Mikel Arteta vill losna við Aubameyang en ekkert félag hefur hingað til stokkið til og verið klárt. Framherjinn þénar 350 þúsund pund á viku sem fælir mörg félög frá.
Aubameyang hefur verið orðaður við bæði PSG og Juventus en bæði félögin treysta sér ekki í launapakka framherjans.
Al Hilal er til í að taka Aubameyang á láni og borga öll hans laun en framherjinn efast um skrefið til Sádí Arabíu.