Ítalíumeistarar Inter unnu 2-1 sigur á Venezia í Serie A, efstu deild ítalska boltans í kvöld.
Thomas Henry kom gestunum frá Feneyjum yfir á 19. mínútu.
Þannig var staðan þar til á 40. mínútu. Þá jafnaði Nicolo Barella fyrir Inter. Staðan í hálfleik var 1-1.
Það stefndi í jafntefli þar til Edin Dzeko gerði sigurmark Inter á 90. mínútu. Grátlegt fyrir Venezia.
Arnór Sigurðsson kom inn á sem varamaður og lék um tíu mínútur fyrir gestina.
Inter er á toppi deildarinnar með 53 stig. Venezia er í sautjánda sæti með 18 stig, 2 stigum fyrir ofan fallsvæðið.