Íslenski landsliðsmarkvörðurinn Cecilía Rán Rúnarsdóttir hefur gengið til liðs við Þýskalandsmeistara Bayern Munchen á láni frá enska félaginu Everton. Þetta kemur fram í tilkynningu frá Bayern Munchen.
Samningurinn milli Everton, Cecilíu og Bayern Munchen gildir til loka júní á þessu ári.
,,Ég er mjög ánægð og þakklát fyrir að fá tækifæri til þess að spila með eins stóru félagi og Bayern Munchen. Liðið er frábært og mér hefur nú þegar verið tekið mjög vel,“ sagði Cecilía meðal annars í tilkynningunni frá Bayern
Cecilía gekk til liðs við Everton á fyrsta fjórðungi síðasta árs en þaðan var hún lánuð til sænska liðsins Örebro þar sem hún spilaði á síðasta ári.
Cecilía verður ekki eini Íslendingurinn á mála hjá Bayern en fyrir er þar að finna varnarmanninn Glódísi Perlu Viggósdóttur og Karólínu Leu Vilhjálmsdóttur.
Markvörðurinn ungi á að baki fimm leiki fyrir A-landslið Íslands og á enn eftir að fá á sig mark í landsliðstreyju íslenska kvennalandsliðsins.
Hjartanlega velkominn, Cecilía! 🇮🇸⚽️🧤
Der #FCBayern holt Torhüterin Cecilía Rán Rúnarsdóttir vom FC Everton: https://t.co/82BDBU6Dll#MiaSanMia @ceciliaran03 🔴⚪ pic.twitter.com/6YnQuv4Znn
— FC Bayern Frauen (@FCBfrauen) January 20, 2022