Harry Maguire, fyrirliði Manchester United, þolir ekki hvernig David De Gea, markvörður liðsins, spilar. Þetta herma heimildir ESPN.

Á miðlinum er farið yfir vandræði Maguire undanfarið, til að mynda á síðustu leiktíð.

Þá endaði United í sjötta sæti og olli gífurlegum vonbrigðum.

Stór ástæða þess að varnarleikur liðsins var eins slakur og raun bar vitni á síðustu leiktíð er sögð samskiptaleysi á milli Maguire og De Gea.

Enski landsliðsfyrirliðinn er sagður verulega pirraður á hvernig Spánverjinn staðsetur sig og að hann stígi ekki oftar af marklínunni, eitthvað sem De Gea hefur verið mikið gagnrýndur fyrir.

Lisandro Martinez gekk í raðir United í sumar og hefur verið í miðverðinum ásamt Raphael Varane, á kostnað Maguire. Er talið að Argentínumaðurinn nái mun betur saman með De Gea en fyrirliðinn Maguire.

Maguire er dýrasti varnarmaður sögunnar en er nú orðinn varamaður á Old Trafford. Hann hefur þó haldið fyrirliðabandinu í þeim leikjum sem hann spilar.