Sergio Busquets miðjumaður Barcelona verður samningslaus á næsta ári og er búist við því að hann flytji til Bandaríkjanna.
Sport á Spáni segir frá því að miðjumaðurinn frá Spáni muni ganga í raðir Inter Miami.
David Beckham er eigandi félagsins en Busquets er 34 ára gamall og hefur átt magnaðan feril á Nývangi.
Busquets hefur spilað með Barcelona í sautján ár en vill ljúka ferlinum á nýjum og framandi stað.
Miami er ein vinsælasta borg í heimi fyrir frægt og ríkt fólk þar sem Busquets getur svo sannarlega notið lífsins.