Geoff Shreeves á Sky Sports hefur lengi verið einn sá fremsti er kemur að því að taka viðtöl við leikmenn og knattspyrnustjóra í kringum leiki enskra liða. Hann hefur nú gefið út bókina Cheers, Geoff! Tales from the Touchline, þar sem hann segir meðal annars góðar bransasögur.

Í bókinni segir Shreeves meðal annars frá samskiptum sínum við Sir Alex Ferguson, fyrrum stjóra Manchester United og goðsögn hjá félaginu.

„Ferguson notaði viðtölin til að koma skilaboðum til leikmanna, stuðningsmanna eða jafnvel stjórnarinnar,“ skrifar Shreeves og bendir á að skoski stjórinn hafi stundum beðið hann um að spyrja ákveðinna spurninga áður en viðtölin hófust.

„En hann var líka tilbúinn til þess að verja sína leikmenn, eins og ég tók eftir að loknum sigurleik United gegn Middlesbrough í bikarnum.“

Shreeves skrifar að Cristiano Ronaldo hafi fengið ódýrt víti í leiknum, sem hann spurði Portúgalann út í.

„Ég spurði hann hvort hann hafi farið auðveldlega niður en hann sagði að þetta hafi verið víti.“

Þá sprakk hins vegar allt. „Ferguson kom úr klefanum og gengur beint að mér. „Þú og andskotans spurningarnar þína. Þú hefur farið langt yfir strikið,“ öskraði hann á mig. „Drengurinn talar varla ensku. Þú ert að fara langt yfir strikið.“ Hann notaði líka ljótara orðbragð.

Ég svaraði „ekki tala svona við mig. Ég er ekki einn af ungu leikmönnunum þínum.“ Hann veittist þá að mér líkamlega. Samskiptastjóri United stökk á milli okkar til að koma í veg fyrir slagsmál.“

„Farðu til fjandans, þú ert bannaður,“ á Ferguson þá að hafa sagt við Shreeves áður en hann gekk í burtu.

Shreeves skrifar svo að hann hafi farið heim og horft á viðtalið aftur. Þá áttaði sig á því að hann hafði verið ósanngjarn við Ronaldo.

„Ég sendi Ferguson skilaboð. Ekkert svar,“ skrifar Shreeves, sem hitti Ferguson þó á næsta leik og bað hann afsökunar aftur.

„Þú þarft ekki að segja neitt meira. Þú baðst afsökunar og þetta verður aldrei rætt aftur,“ sagði Ferguson þá.

Enski boltinn á 433 er í boði