Pep Guardiola, stjóri Manchester City, gaf leikmönnum sínum smá frí eftir öruggan 4-0 sigur á Bournemouth í ensku úrvalsdeildinni á laugardag.
Erling Braut Haaland, nýr framherji liðsins, lét ekki segja sér það tvisvar og skellti sér strax í stutt frí til Marbella.
Þar var hann á ströndinni í gær, þar sem aðdáendur komu auga á hann.
Haaland rölti eftir ströndinni og skellti sér einnig í sjóinn.
Norðmanninum tókst ekki að skora í leiknum en lagði upp fyrsta mark City fyrir Ilkay Gundogan.