Donny van de Beek, leikmaður Manchester United, stóðst ekki próf Erik ten Hag í sumar.

Það er MEN sem greinir frá þessu en Van de Beek fær nú að vinna undir Ten Hag en þeir voru áðir saman hjá Ajax í Hollandi.

Van de Beek tók þátt í öllum æfingaleikjum Man Utd í sumar og spilaði 313 mínútur og sýndi ágætis frammistöðu hér og þar.

Samkvæmt MEN þá stóðst Hollendingurinn hins vegar ekki próf Ten Hag og verður ekki einn af byrjunarliðsmönnum enska liðsins.

MEN segir að Van de Beek verði líklega þriðji möguleiki Ten Hag á miðju Man Utd en margir bjuggust við að hann myndi sýna sitt besta eftir komu landa síns.

Van de Beek hefur ekki náð að heilla marga á Old Trafford og var lánaður til Everton á síðustu leiktíð.