Chelsea er nálægt því að ganga frá kaupum á Marc Cucurella frá Brighton. Félagið ætlar hins vegar ekki að hætta þar.
Þessi vinstri bakvörður hefur verið orðaður við Manchester City í allt sumar og var talið líklegast að hann færi þangað.
Nú hefur Cucurella hins vegar samið við Chelsea um persónuleg kjör. Aðeins er beðið eftir því að Lundúnafélagið nái saman við Brighton um kaupverð á leikmanninum.
Cucurella kom til Brighton frá Getafe síðasta sumar og fór á kostum á sinni fyrstu leiktíð í ensku úrvalsdeildinni.
Chelsea vill einnig fá til sín hægri bakvörð í sumar. Félagið hefur áhuga á Kyle Walker-Peters hjá Southampton.
Walker-Peters hefur verið á mála hjá Southampton síðan 2020, hann kom frá Tottenham. Hann lék 32 leiki í ensku úrvalsdeildinni á síðustu leiktíð, skoraði eitt mark og lagði upp tvö.
Þá fylgist Chelsea einnig með gangi mála hjá Denzel Dumfries, hollenskum hægri bakverði Inter.
Excl: Chelsea are considering many options for right-back position, to be discussed after Cucurella. Kyle Walker-Peters, one of the options alongside Denzel Dumfries 🚨🔵 #CFC
Dumfries top of the list but Inter want to keep him, still no bid.
Walker-Peters, discussed internally. pic.twitter.com/CcuOm33C1C— Fabrizio Romano (@FabrizioRomano) August 2, 2022