KA 0 – 1 KR
0-1 Aron Þórður Albertsson (’16)
KR vann virkilega sterkan sigur í Bestu deild karla í kvöld er liðið spilaði við KA á Akureyri.
KA var fyrir leikinn í þriðja sæti deildarinnar með 27 stig og var aðeins tveimur stigum frá Víkingi Reykjavík í öðru sætinu.
Flestir bjuggust við heimasigri í dag en Aron Þórður Albertsson var sá maður sem gerði eina mark leiksins.
Aron tryggði KR-ingum sigur í fyrri hálfleik er hann kom boltanum í netið á 16. mínútu.
Sigurinn þýðir það að KR er í sjötta sæti deildarinnar með 21 stig líkt og Valur.