Hakan Calhanoglu fyrrum leikmaður AC Milan segir að Zlatan Ibrahimovic verði að fara að þroskast, hann sé fertugur en ekki 18 ára.
Calhanoglu yfirgaf Milan fyrir ári síðan og gekk í raðir Inter Milan. AC Milan varð svo ítalskur meistari.
Þegar liðið fagnaði sigrinum fór Zlatan í pontu og bað menn um að senda skilaboð til Calhanoglu sem fór til erkifjendanna.
„Ibra er fertugur maður, ég myndi ekki haga mér svona á þessum aldri. Hann er alltaf að leita að athygli,“ sagði Calhanoglu.
„Hann átti ekkert í sigri liðsins í deildinni, hann spilaði varla en hann gerir allt fyrir athygli. Hann var sá sem hringdi alltaf í mig og bað mig að koma í mat eða á mótórhjólið. Hann skrifaði um mig í bókini sinni.“
„Hann varð að skrifa eitthvað um mig því annars væri bókin tóm. Ég er virkilega ánægður hjá Inter. Ég var hjá Milan í fjögur ár og þeir sungu aldrei nafn mitt, hjá Inter er það gert strax í upphitun.“