Íslenska kvennalandsliðið verður staðsett í Crewe í sumar á meðan Evrópumótið fer fram. Liðið leikur leiki sína í Manchester og Rotherham.
Klukkutíma akstur er frá Crewe til Manchester en tæplega tveggja klukkutíma akstur er til Rotherham.
Íslenska liðið mætir Ítalíu og Belgíu í Manchester en leikur við Frakkland í Rotherham.
„Liðið verður á hóteli í nágrenni Crewe og æfingavöllurinn er á svæði Crewe Alexandra, þetta skýrðist bara nýlega, ég hef svo sem ekki meiri upplýsingar akkúrat núna,“ sagði Ómar Smárason fjölmiðlafulltrúi KSÍ í svari við fyrirspurn DV.
Íslenska liðið leikur sinn fyrsta leik 10 júlí og riðilinn endar 18 júlí.