Benjamin Mendy, leikmaður Manchester City sem sakaður er um sjö nauðganir, náðist á mynd í gær í fyrsta sinn frá því að honum var sleppt úr fangelsi gegn tryggingu.

Mendy hafðu verið í varðhaldi í 134 daga eða allt frá því að hann var handtekinn 26. ágúst síðastliðinn. Honum var sleppt í byrjun þessa mánaðar, gegn tryggingu.

Frakkinn situr nú í stofufangelsi heima hjá sér þar til hann mætir örlögum sínum fyrir rétti í júní nk.

Mendy þarf að mæta daglega á lögreglustöðina í Macclesfield, sem er nálægt rándýru heimili hans, daglega.

Í gær náðu ljósmyndarar svo að smella nokkrum myndum af hettuklæddum Mendy er hann mætti á lögreglustöðuna. Á þeim mátti sjá í ökklaband hans, sem fylgir stofufangelsinu.

Alls eru ásakanirnar á hendur Mendy átta talsins og tengjast meintum brotum hans gegn fimm konum. Um er að ræða sjö ásakanir um nauðgun og eina um kynferðislegt ofbeldi.

Hinn 27 ára gamli Mendy kom til Man City frá Monaco árið 2017. Hann hefur unnið ensku úrvalsdeildina þrisvar, bikarinn einu sinni og deildabikarinn fjórum sinnum með félaginu.

Enski boltinn á 433 er í boði