Georgina Rodriguez, eiginkona knattspyrnustjörnunnar Cristiano Ronaldo, viðurkennir að það hafi galla í för með sér að vera gift stórstjörnunni.

Ronaldo er einn besti knattspyrnumaður allra tíma. Það er varla sá einstaklingur í heiminum sem ekki veit hver hann er. Það getur haft erfiðleika í för með sér.

,,Það eru hlutir eins og að fara í búðina eða á markaðinn eins og maður sér önnur pör gera. Það er erfitt að geta ekki farið á kaffihúsið á horninu. Við þurfum alltaf að skipuleggja það vel fyrir fram þegar við förum út að borða svo enginn trufli okkur.“

,,Maður saknar þess sem maður hafði áður. Cristiano tapaði því fyrir löngu en nú hefur hvorugt okkar það.“

Ronaldo er í dag leikmaður Manchester United á Englandi. Hann hefur skorað átta mörk í sextán leikjum fyrir félagið í ensku úrvalsdeildinni á þessari leiktíð. Portúgalinn sneri aftur til Manchester í sumar eftir að hafa verið hjá Real Madrid og Juventus.