Frenkie de Jong gekk til liðs við Barcelona frá Ajax árið 2019 fyrir 65 milljónir punda. Hann hefur ekki náð að heilla stuðningsmenn liðsis á þeim tíma og ætlar spænska félagið nú að selja hann vegna fjárhagsvandræða liðsins.
Mörg félög í Evrópu hafa áhuga á kappanum en liðin sem eru mest í umræðunni eru Chelsea, Bayern Munich og Manchester City.
Samkvæmt frétt El Nacional hefur Chelsea boðið 33 milljónir punda í hollenska miðjumanninn en það þykir stjórnarmönnum Barcelona heldur lélegt tilboð.
Talið er að Barcelona vilji fá um 50 milljónir punda í kassann fyrir de Jong en gætu þó látið hann fara fyrir rúmar 40 milljónir til að losna við hann og laga fjárhagsstöðu liðsins.