Jesse Lingard, leikmaður Manchester United, hefur hafnað nýju samningstilboði frá félaginu. ESPN greinir frá.
Hinn 28 ára gamli Lingard vill vera viss um að hann sé inni í myndinni hjá Ole Gunnar Solskjær, stjóra Man Utd og að hann fái nægan spilatíma áður en hann krotar undir nýjan samning. Núgildandi samningur hans rennur út næsta sumar.
Lingard sló í gegn með West Ham á láni seinni hluta síðustu leiktíðar. Þar skoraði hann níu mörk og lagði upp fimm í 16 leikjum.
Í fyrstu þremur leikjum ensku úrvalsdeildarinnar á þessari leiktíð hefur Lingard aðeins komið við sögu í einum þeirra, þá sem varamaður.
Hjá Man Utd vilja menn gjarnan hafa Englendinginn áfram í sínum herbúðum. Það þarf þó að sannfæra hann fyrst.