Juventus vann Sampdoria í markaleik í fyrsta leik dagsins í ítölsku Serie A.
Paulo Dybala kom heimamönnum í Juve yfir á 10. mínútu. Á 43. mínútu tvöfaldaði Leonardo Bonucci forystuna með marki út vítaspyrnu.
Tveggja marka forystan dugði ekki lengi því Maya Yoshida minnkaði muninn fyrir Samp aðeins mínútu síðar.
Manuel Locatelli kom Juve í 3-1 á 57. mínútu. Antonia Candreva minnkaði muninn aftur fyrir gestina á 83. mínútu.
Nær komust þeir þó ekki. Lokatölur 3-2 fyrir Juventus.
Eftir arfaslaka byrjun á tímabilinu er Juve búið að vinna tvo leiki í röð. Liðið er komið með 8 stig og er í níunda sæti.
Sampdoria er í fjórtánda sæti með 5 stig.
