Fyrrum markvörður Rochdale, Jonathan Diba Musangu, var á dögunum dæmdur til fangelsisvistar í 24 ár fyrir kynferðisbrot gegn sex stúlkum undir lögaldri.
Musangu er 23 ára gamall. Áttu brotin sér stað á árunum 2012 til 2016.
Hann var upphaflega handtekinn vegna gruns um brotin árið 2018 og svo ákærður snemma sumars í ár.
Musangu þótti efnilegur markvörður á sínum tíma. Hann lék leik með aðalliði Rochdale í ensku C-deildinni í ágúst 2014, þá aðeins 16 ára gamall.
Þá á Musangu að baki 24 leiki fyrir Ashton United og Mossley AFC. Hann hefur þó ekki leikið knattspyrnu frá árinu 2019.