HK tók á móti Stjörnunni í lokaleik 21. umferðarinnar í Pepsi Max deild karla í kvöld.
Heimamenn þurftu á sigri að halda til að koma sér upp úr fallsæti eftir að ÍA vann Fylki í síðustu umferð.
Það var markalaust í hálfleik og nokkuð dauft yfir þangað til að Birnir Snær Ingason var rekinn af velli í liði HK þegar að 11 mínútur voru eftir af venjulegum leiktíma.
Birnir var á gulu spjaldi þegar hann féll í teig Garðbæinga og dómari leiksins gaf honum annað gult og þar með rautt spjald fyrir leikaraskap.
Brottreksturinn virtist kveikja aðeins í HK-ingum sem komust yfir fjórum mínútum síðar þegar að Valgeir Valgeirsson hamraði boltann í netið eftir undirbúning Stefan Ljubicic.
Stjarnan ógnaði lítið eftir markið og heimamenn héldu út sigurinn og sendu Fylki þar með niður um deild.
HK og ÍA berjast nú um síðasta örugga sætið í deildinni en HK er í 10. sæti með 20 stig, tveimur stigum fyrir ofan ÍA. HK mætir Breiðablik í lokaumferðinni á meðan að ÍA sækir Keflvíkinga heim.
Lokatölur:
HK 1 – 0 Stjarnan
1-0 Valgeir Valgeirsson (’79 )