Fimm leikjum var að ljúka í 5. umferð ensku deildarinnar rétt í þessu. Liverpool komst á toppinn með sigri á Crystal Palace, Arsenal tók þrjú stig gegn Burnley, Watford hafði betur í nýliðaslag og Manchester City gerði markalaust jafntefli við Southampton.
Liverpool stjórnaði leiknum en leikmenn Crystal Palace voru hættulegir fram á við og náðu að ógna marki heimamanna til að byrja með. Sadio Mané kom Liverpool yfir undir lok fyrri hálfleiks þegar hann fylgdi á eftir góðum skalla Salah. Salah var svo sjálfur á ferðinni á 78. mínútu er hann tvöfaldaði forystu Liverpool. Naby Keita gulltryggði loks góðan sigur Liverpool með marki rétt fyrir lok venjulegs leiktíma.
Liverpool 3 – 0 Crystal Palace
1-0 S. Mané (´43)
2-0 M. Salah (´78)
3-0 N. Keita (´89)
Arsenal var betra liðið í leiknum í dag en það vantaði upp á gæði Burnley fram á við. Martin Odegaard braut ísinn eftir hálftíma leik með frábæru marki úr aukaspyrnu og reyndist það eina mark leiksins.
Burnley 0 – 1 Arsenal
0-1 Odegaard (´30)
Englandsmeistarar Manchester City gerðu markalaust jafntefli við Southampton. Þó ekkert mark hafi verið skorað var nóg um að vera. Leikmenn City sóttu stíft í seinni hálfleik eftir slakan fyrri hálfleik en það dugði ekki til.
Manchester City 0 – 0 Southampton
Leikur Norwich og Watford var nokkuð jafn og hart barist til að byrja með. Dennis kom Watford yfir þegar rúmur stundarfjórðungur var liðinn af leiknum með skalla en Pukki jafnaði metin á 35. mínútu. Sarr tók málin í sínar hendur í seinni hálfleik en hann skoraði tvö mörk og tryggði Watford þrjú mikilvæg stig.
Norwich 1 – 3 Watford
0-1 E. Dennis (´17)
1-1 T. Pukki (´35)
1-2 I. Sarr (´63)
1-3 I. Sarr (´80)