Davíð Kristján Ólafsson lék allan leikinn fyrir Álasund í 6-2 sigri gegn Grorud í norsku B-deildinni fyrr í dag. Hann lagði upp tvö marka síns liðs.
Niklas Castro gerði þrennu fyrir Álasund í leiknum. Þá skoraði Sigurd Haugen tvö mörk og Simen Nordli eitt.
Álasund er í þriðja sæti deildarinnar með 35 stig eftir 18 leiki. Liðið er 2 stigum frá öðru sæti, sem gefur beinan þátttökurétt í efstu deild á næsta ári.
Jón Daði Böðvarsson sat allan tímann á varamannabekk Millwall í markalaustu jafntefli gegn Swansea í ensku B-deildinni.
Millwall er í fimmtánda sæti deildarinnar með 7 stig þegar sjö umferðir hafa verið leiknar.