Það voru eflaust einhverjir stuðningsmenn Breiðabliks sem fögnuðu þegar Gunnar Nielsen markvörður FH fékk að líta rauða spjaldið gegn Stjörnunni í gær.
Breiðablik heimsækir FH um næstu helgi í næst síðustu umferð efstu deildar karla. Gunnar hefur spilað alla 20 leiki FH í deildinni á þessu tímabili.
Atli Gunnar Guðmundsson 28 ára gamall markvörður FH mun því byrja sinn fyrsta leik gegn Blikum. Breiðablik er með tveggja stiga forskot á toppi deildarinnar þegar tvær umferðir eru eftir.
Ljóst er að fjarvera Gunnars gætu verið góð tíðindi fyrir Blika en Atli Gunnar lék 17 leiki með Fjölni í efstu deild á síðustu leiktíð.
Atli Gunnar hélt hreinu þegar hann kom inn í gær en hann lék í 35 mínútur þegar FH vann 0-4 sigur á Stjörnunni.
