Selfoss og Þróttur Reykjavík skildu jöfn í 13. umferð Pepsi Max-deildar kvenna í kvöld. Leikið var á Selfossi.
Brenna Lovera kom heimakonum yfir á 12. mínútu. Rétt fyrir hálfleik jafnaði Amanda Cousins fyrir Þrótt með marki sem kom eftir hornspyrnu.
Staðan í hálfleik var jöfn.
Lovera kom Selfyssingum aftur yfir snemma í seinni hálfleik með góðu skoti fyrir utan teig.
Á 84. mínútu jafnaði Dani Rhodes fyrir gestina. Lokatölur 2-2.
Þróttur er í fjórða sæti deildarinnar með 19 stig. Selfoss hefur jafnmörg stig en hefur spilað leik meira en Þróttarar.