Donny van de Beek hefur ráðið einkaþjálfara til að hjálpa sér og auka form sitt og styrk fyrir næsta tímabil. Með þessu vonast hann til þess að komast í byrjunarlið Manchester United.
Van de Beek var keyptur til Manchester United fyrir 40 milljónir punda frá Ajax síðasta sumar. Hann byrjaði aðeins fjóra leiki fyrir félagið á síðustu leiktíð.
Enska deildin er þekkt fyrir að vera erfiðari en aðrar deildir og eiga margir leikmenn erfitt þar fyrsta tímabilið. Hann vildi ná að styrkja sig meira á síðustu leiktíð en það náðist ekki vegna leikjaálags. Í sumar fór hann í sérstakt styrktarprógram í Hollandi og náði að styrkja sig töluvert og eru liðsfélagar hans farnir að taka eftir því.
Van de Beek var með fyrirliðabandið í æfingaleik gegn Brentford fyrir stuttu og sagði Maguire á Instagram að hann væri að teygja of mikið á bandinu og vísaði þar í árangur Van de Beek í ræktinni.
Watch out, @Donny_Beek6 😅#MUFC @HarryMaguire93 pic.twitter.com/CV9sWSpMkA
— Manchester United (@ManUtd) July 29, 2021