KA tók á móti Keflavík í 14. umferð Pepsi Max deildar karla á Greifavelli í kvöld. Leiknum lauk með 2-1 sigri KA.
Hallgrímur Mar Steingrímsson kom heimamönnum yfir eftir 24. mínútna leik eftir stoðsendingu frá Elfari Árna. Undir lok fyrri hálfleiks fengu gestirnir vítaspyrnu og Joey Gibbs skoraði örugglega úr henni og jafnaði metin en þannig stóðu leikar í hálfleik.
Hallgrímur Mar var aftur á ferðinni undir lok leiks er hann kom KA aftur yfir og tryggði þeim þrjú mikilvæg stig í toppbaráttunni. Þetta var áttunda mark Hallgríms í sumar.
KA 2 – 1 Keflavík
1-0 Hallgrímur Mar Steingrímsson (´24)
1-1 Joey Gibbs (´45)
2-1 Hallgrímur Mar Steingrímsson (´80)