Nú er ljóst hvaða lið keppa í undanúrslitum á Evrópumótinu í knattspyrnu þetta árið. Danmörk mætir Englandi á Wembley á morgun og þá mætast Spánn og Ítalía í kvöld á sama velli.
Það er því ljóst að tvö þessara liða mætast í úrslitaleiknum sem fer fram 11. júlí og liðin fjögur eiga það öll sameiginlegt að hafa leikmann sem spilar með Chelesa.
Stuðningsmenn Chelsea eru afar ánægðir með það að þeir eiga leikmenn í öllum þessum landsliðum sem eftir eru og því er öruggt að leikmaður Chelsea mun vinna EM 2020. Chelsea sigraði Meistaradeild Evrópu eins og frægt er í leik gegn Manchester City.
Christensen spilar með Danmörku, Mount, James og Chilwell spila með Englandi, Azpilicueta leikur með Spáni og Jorginho og Emerson með Ítalíu.
Enski boltinn á 433 er í boði 
