Katia Aveiro, systir portúgalska knattspyrnusnillingsins Cristiano Ronaldo, hefur verið lögð inn á spítala eftir að hafa fengið lungnabólgu í kjölfar þess að hafa smitast af kórónuveirunni.
,,Ég ætlaði ekki að segja þetta en fréttir berast hratt. Af virðingu við fylgjendur mína og þá sem þykir vænt um mig og mína nákomendur langar mig að segja ykkur sannleikann. Ég fékk þennan helvítis vírus,“ skrifaði Aveiro á Instagram-reikning inn.
,,Ég greindist jákvæð þann 17. júlí og hef einangrað mig síðan þá. Mér leið vel en var með einhver einkenni.“
Svo greindi Aveiro frá því að hún hafi fengið lungnabólgu í kjölfarið.
,,Því miður fór ég að versna á föstudaginn. Ég var lögð inn á spítala og er þar. Ég er að gera allt til þess að ná bata. Ég þakka guði og frábæra teyminu hér.“