Danski miðjumaðurinn Christian Eriksen sást í Kaupmannahöfn í göngutúr með fjölskyldu sinni. Sex vikur eru síðan hann hneig niður í leik með danska landsliðinu gegn því finnska á Evrópumótinu.
Það vita flestir hvað gerðist á Parken þann 12. júní. Eriksen féll þá til jarðar skyndilega. Seinna kom í ljós að hjarta hans hafði hætt að slá. Viðbragðsteymi á vellinum náði leikmanninum sem betur fer til baka.
Ekki er ljóst hvenær eða hvort Eriksen spili fótbolta aftur. Hann er leikmaður Inter á Ítalíu. Þar má ekki leika með bjargráð. Eriksen er með einn slíkan.
Það sem skiptir þó mestu máli er að Daninn virðist í fínu standi, eins og myndin af honum með konu sínu og börnum gefur til kynna.