Arsenal hafa aflýst undirbúningstímabili sínu í Bandaríkjunum vegna Covid smita innan herbúðum liðsins.
Allir hinna smituðu eru sagðir einkennalausir en félagið er að leita lausna á málinu áður en nýtt tímabil í ensku úrvalsdeildinni hefst gegn Brentford þann 13. ágúst næstkomandi.
Skytturnar áttu að taka þátt í Flórída bikarnum ásamt Inter Milan, Everton og Millonarios. Fyrsti leikur þeirra átti að vera gegn Inter á sunnudaginn og annar leikur gegn sigurvegara viðureignar Everton og Millonarios en ljóst er að ekkert verður úr mótinu.
