Harry Maguire varnarmaður enska landsliðsins hefur ekki enn hafið æfingar nú þegar fjórir dagar eru í fyrsta leik Englands á EM.

Maguire hefur verið meiddur í tæpan mánuð og ekki tekið þátt í æfingum með Manchester United eða enska landsliðsins.

Gareth Southgate ákvað að velja Maguire í hóp sinn enda hafði hann pláss fyrir 26 leikmenn.

Maguire er mikilvægur hlekkur í varnarlínu liðsins en meiðsli hans gætu orðið til þess að hann taki lítið sem ekkert þátt í mótinu.

Fyrsti leikur Englands er gegn Króatíu á sunnudag sem er erfiðasti leikur liðsins í riðlinum.

Enski boltinn á 433 er í boði