Albert Guðmundsson hefur skorað fyrir Ísland í vináttuleik ytra gegn Póllandi sem nú stendur yfir. Með markinu kom hann Íslendingum yfir en heimamenn hafa jafnað í 1-1 núna.
Markið skoraði Albert með hælnum á 24. mínútu. Guðmundur Þórarinsson tók þá hornspyrnu, boltinn rataði á Aron Einar Gunnarsson í teignum, hann sparkaði í átt að marki þar sem Albert potaði boltanum í markið. Virkilega vel gert. Hann var þó fyrst dæmdur rangstæður en eftir langa bið ákváðu dómarar að nýta myndbandsdómgæslu. Hún sýndi að markið átti réttilega að fá að standa.
Pietr Zielinski jafnaði fyrir heimamenn tíu mínútum síðar og er staðan 1-1 nú þegar fyrri hálfleikur er að klárast.
Hér fyrir neðan má sjá markið hans Alberts.
Eftir myndbandsdómgæslu var mark @snjallbert staðfest. Pólverjar voru hins vegar ekki lengi að jafna og staðan nú 1-1. #fotbolti pic.twitter.com/bvBw2bPJiN
— RÚV Íþróttir (@ruvithrottir) June 8, 2021