Manchester United óttast að Marcus Rashford muni missa af byrjun næsta tímabil þar sem leikmaðurinn þarf að fara í skurðaðgerð.
Sóknarmaðurinn knái hefur spilað í gegnum verki í fæti og öxl stærstan hluta tímabilsins en samkvæmt Mirror mun leikmaðurinn ekki fara í aðgerð fyrr en eftir EM en leikmaðurinn er hluti af enska landsliðshópnum fyrir stórmótið.
Talið er að Rashford muni fara í aðgerð á að minnsta kosti einum stað, líklegast á fæti.
Rashford lék 57 sinnum fyrir United í vetur og nú tekur við þétt dagskrá með enska landsliðinu á EM. Leikmaðurinn vonast til að vera stór hluti af enska landsliðinu í sumar og vildi alls ekki missa af EM þrátt fyrir þessa verki.
Ef Englendingar komast alla leið í úrslitaleikinn þá spila þeir til 11. júlí. Enska úrvalsdeildin hefst aftur 14. ágúst sem gefur Rashford takmarkaðan tíma til þess að jafna sig eftir aðgerð.