Rafa Benitez er á barmi þess að taka við Everton, í gær var sagt frá því að ekkert yrði að ráðningu Everton á Spánverjanum.
Stuðningsmenn Everton vilja upp til hópa ekki sjá Benitez en Farhad Moshiri stærsti hluthafi félagsins hefur krafist þess að hann verði ráðinn.
Stuðningsmenn Everton er flestir verulega ósáttir með þá hugmynd félagsins um að ráða Benitez til starfa sem knattspyrnustjóra félagsins.
Benitez hefur verið í viðræðum við Everton síðustu daga um að taka við Everton, sú staðreynd að Benitez var áður stjóri Liverpool fer verulega í taugarnar á stuðningsmönnum Everton. Erkifjendurnir elda oft grátt silfur saman og hefur Benitez meðal annars kallað Everton, lítið félag.
Mótmælt var all hressilega fyrir utan Goodison Park fyrir helgi og borðar hengdir upp, á einum þeirra stendur. „Farðu til fjandans feita Kop kunta,“ og er það vísun í The Kop stúkuna á Anfield.
Eftir vel heppnaða dvöl hjá Liverpool hefur Benitez verið á flakki og leikstíll hans oftar en ekki mikið gagnrýndur.
Everton leitar að stjóra eftir að Carlo Ancelotti sagði upp störfum til að taka við Real Madrid en margir hafa verið orðaðir við starfið hjá Gylfa og félögum.