Raheem Sterling, leikmaður Manchester City og enska landsliðsins, hefur gefið í skyn að hann sé óánægður í herbúðum City.
Leikmaðurinn skoraði eina mark Englands í sigri á Króatíu í fyrsta leik liðanna á EM 2020 í dag.
Sterling missti sæti sitt í byrjunarliði City undir lok leiktíðar. Hann hefur verið orðaður í burtu frá félaginu. Ummæli hans í viðtali eftir sigur Englendinga í dag helltu bensíni á bálið sem sá orðrómur er.
,,Það eru margar ástæður fyrir því að ég hef ekki verið að skora fyrir félagið mitt en það þýðir ekki að tala um það í dag,“ sagði Sterling.
Þessi 26 ára gamli leikur bætti einnig við að hann nyti þess að spila fyrir enska landsliðið.
,,Ég er hér með Englandi. Ég er að njóta þess að spila fótbolta og það er það mikilvægasta. Ég er bara ánægður með að hafa skorað.“