67 milljóna punda tilboði Manchester United í Jadon Sancho kantmann Borussia Dortmund var hafnað í gær, viðræður félaganna halda áfram og búast flestir við því að þau nái saman.

Dortmund vill 10 milljónum pundum meira til að byrja og fá greiðslurnar á fjórum árum en ekki fimm eins og United hefur boðið.

Manchester United á von á því að geta kynnt Sancho sem leikmann félagsins eftir að Evrópumótinu lýkur.

Sancho hefur sjálfur náð samkomulagi við United um kaup og kjör og segja ensk götublöð að hann muni þéna 350 þúsund pund á viku næstu fimm árin.

Sancho ræddi málið á fréttamannafundi í gær. „Auðvitað hafa strákarnir margar spurningar, þegar þú gerir vel er mikið af sögusögnum í gangi,“ sagði Sancho.

„Ég segi við strákana að nú sé ég að einbeita mér að fótboltanum. Við einbeitum okkur að Evrópumótinu,“ sagði Sancho sem mun þéna 60 milljónir á viku eða rúma 15 milljarða yfir árin fimm.

Enski boltinn á 433 er í boði