Hjörtur Hermannsson er á bleiku skýi þessa dagana eftir að hafa orðið danskur meistari með Bröndby á dögunum. Hjörtur er samningslaus og skoðar sína kosti en útilokar ekki að vera áfram hjá Bröndby.
Hjörtur hefur átt frábæru gengi að fagna síðustu vikur innan vallar og utan vallar líka, hann greindi frá því í vikunni að hann ætti von á sínu fyrsta barni.
„Þetta var frábært að klára þennan titil, þetta er tilfinning sem maður getur vanist. Sérstaklega að klára þetta með klúbb eins og Bröndby sem hefur lengi beðið eftir þessu, það er svakalega sætt,“ sagði Hjörtur á fréttamannafundi landsliðsins í kvöld. Liðið er í Dallas og mætir Mexíkó þar á laugardag í fæingaleik.
„Tímabilið fyrir mig persónulega sem heild, þá hefur þetta ekki bara verið dans á rósum. Fyrri hlutinn þungur en eftir jól en stimplað ég mig vel inn, spila hvern einasta leik. Extra sætt að vera stór partur af Meistaratitlinum eins og raun var.“
Möguleiki er á að Hjörtur hafi spilað sinn síðasta leik með Bröndby. „Það gefur auga leið, það gæti verið raunin. Ég útiloka ekkert í þeim efnum, það kemur í ljós. Ætla það sé ekki blanda af báðu, ég er með lausan samning og hef fullan rétt á að leita í kringum mig. Fimm góð ár, alltaf ljóst að maður lítur eitthvað aðeins í kringum sig. Rosalega góð ár samt, gott að vera í Kaupmannahöfn,“ sagði Hjörtur.
COVID ástandið hefur haft áhrif á fjárhag klúbbana og samningslausir leikmenn oft í klípu að fá nýjan og betri samning, Hjörtur veit ekki hvort ástandið hafi áhrif á hans möguleiki. „Ég hef ekki fundið það, ég er lengi búinn að vita að ég sé að renna út. Mörg félög sem eru ekki jafn vel stæð og áður, útlitið í heiminum er að lagast. Það sama með klúbbana, aðdáendur að streyma inn á vellina. Ég hef engar áhyggjur.“
Hjörtur óttast það ekki að vera samningslaus og mögulega meiðast. „Annars væri ég ekki hér, ég fulla trú á að maður sé ekkert að fara lenda í þessu. Ef maður væri alltaf að hugsa um að vera meiddur, þá áttu ekkert erindi í íþróttir.“
„Ég er voðalega lítið búinn að vera með hugann við þetta. Mikil orka og púður að klára þennan titil, ekki eins og við hefðum rúllað yfir deildina. Mjög þétt síðustu vikur, einhver símtöl frá liðum. Ég hef lítið einblínt á það. Ég hlakka til að sjá hvað verður eftir það.“
Hjörtur segir stöðuna frábær, meistari í Danmörku og í landsliði Íslands. „Ég er meistari, án samnings. Í sterkri stöðu, ég er landsliðsmaður og er í þessu verkefni,“ sagði Hjörtur brattur.
Hjörtur er spenntur fyrir landsleikjunum. „Fyrst og fremst mjög spennandi verkefni, þrír góðir leikir. Aðstæður eins og best verður á kosið, spennandi verkefni. Hvort leikmenn séu hér eða ekki, ég er ánægður með þá leikmenn sem eru hérna,“ sagði Hjörtur.
