Sjónvarpsþáttur 433 verður á dagskrá Hringbrautar klukkan 21:30 í kvöld en Óskar Hrafn Þorvaldsson þjálfari Breiðabliks verðu gestur þáttarins.
Í síðari hluta þáttarins mætir Kristján Óli Sigurðsson sérfræðingur í knattspyrnufræðunum og skoðar Ofurdeildina sem er að gera allt vitlaust.
Óskar Hrafn er að fara inn í sitt annað tímabil sem þjálfari Breiðabliks en liðið hefur litið vel út í vetur. Talað er um að Breiðablik geti landað þeim stóra en félagið hefur aðeins einu sinni unnið efstu deild í meistaraflokki karla.
„Já,já, Breiðablik getur orðið Íslandsmeistari en það er svo þannig, eins og góður maður sagði það er hægara um að tala en í að komast,“ sagði Óskar Hrafn þegar hann var spurður að því hvort Breiðablik gæti orðið Íslandsmeistari.
Hann segir að til að verða meistari þurfi að lifa eins og meistari og hugsa eins og meistari. „Það er auðveldara að tala um að verða meistari, það er erfiðara að spila eins meistari, haga sér eins og meistara, lifa eins og meistara og vera meistari. Hvort sem það það er á fótboltavellinum eða í lífinu.“
Þáturinn á dagskrá Hringbrautar klukkan 21:30 í kvöld og á vefnum á sama tíma.