Declan Rice miðjumaður West Ham hafði mikinn áhuga á því að fræðast um gang mála í síðasta verkefni enska landsliðsins. Frá þessu segir Manchester Evening News.
Þar kemur fram að Rice hafi mikið rætt við Harry Maguire og Luke Shaw um stöðuna hjá Manchester United, vitað er að Ole Gunnar Solskjær hefur áhuga á að kaupa Rice í sumar.
Í fréttinni kemur fram að Rice hafi áhuga á að fara til United í sumar og að hann hafi spurt Maguire og Shaw út í gang mála hjá félaginu og hvernig hlutirnir virkuðu þar.
Rice hefur verið öflugur í góðu liði West Ham í vetur en liðið situr í fjórða sæti deildarinnar og á góðan möguleika á Meistaradeildarsæti.
United hefur oftar en ekki keypt enska landsliðsmenn þau sumur sem stórmót eru í gangi en Evrópumótið fer fram í sumar.
Enski boltinn á 433 er í boði 
