Það vakti talsverða athygli um helgina þegar Gylfi Þór Sigurðsson birti mynd af sér á Instagram, þar var hann staddur á æfingu hjá Everton.

Það vakti enga sérstaka athygli að Gylfi væri staddur á æfingu, heldur sú staðreynd að Gylfi var klæddur í skó frá Puma.

Gylfi hefur allan sinn feril leikið í skóm frá Nike en svo virðist sem samningur hans við Nike sé á enda, Gylfi hefur hins vegar ekki skrifað undir hjá Puma.

Samkvæmt upplýsingum sem 433.is hefur er Gylfi að prufa skóna frá Puma, fyrirtækið hefur verið að reyna að semja við bestu knattspyrnumenn Íslands eftir að hafa samið við KSÍ um að framleiða treyjur Íslands.

Jóhann Berg Guðmundsson kantmaður Burnley samdi við Puma á dögunum og Sara Björk Gunnarsdóttir leikmaður Lyon gerði það sömuleiðis.

Nú gæti svo farið að Puma nái samningi við Gylfa en fyrirtækið hefur verið að stækka í heimi fótboltans, þannig samdi fyrirtækið við Neymar á dögunum en áður voru stærstu stjörnur fótboltans aðeins í Nike og Adidas.

Skórnir sem Gylfi var í um helgina má sjá hér að neðan en hann gæti spilað í þeim gegn Brighton í kvöld.