Enska götublaðið The Sun heldur því fram að fjöldi leikmanna í ensku úrvalsdeildinni séu nú orðnir háðir svefntöflum. Blaðið hefur fjallað um þessi mál síðustu vikur. Í umfjöllun blaðsins í dag segir að leikmenn séu farnir að blanda saman svefnpillum og áfengi til að komast í vímu.
Þeir sem þekkja til mála segja að leikmenn í deildinni séu farnir að bryðja Zopiclone eða Zolpidem eins og Cheerios hringi. The Sun segir að aukningin á meðal leikmanna sé mikil.
Á dögunum var fjallað um eina af stjörnu deildarinnar. Sá er frá Englandi en hann kaupir Zopiclone svefntöflur á svörtum markaði, í frétt um hann segir að hann taki töflurnar daglega. Vinir mannsins hafa verulegar áhyggjur af knattspyrnustjörnunni og hafa ráðlagt honum að leita sér hjálpar, áður en hann sturtar ferli sínum í klósettið. Maðurinn sem er sagður eiga í vandræðum innan vallar vegna lífsstílsins utan vallar, segir vinum sínum að pillurnar komi ekki fram á lyfjaprófi deildarinnar. Hann komist í vímu af þeim þegar hann neytir áfengis.
Meira.
Stórstjarna að sturta öllu í klósettið – Háður pillum og áfengi
The Sun segir svo í dag að tveir aðrir leikmenn tengdir enska landsliðinu séu að kaupa mikið magn af svefnpillum á svarta markaðnum.
Þar segir að eiginkona annars þeirra hafi komið heim á dögunum, þar á knattspyrnuhetjan að hafa legið hálf meðvitundarlaus í sófa sínum. Börnin voru að reyna að vekja en hann vaknaði ekki, sama hvað þau reyndu.
Í umfjöllun The Sun segir að blaðið geti ekki nafngreint þessa þrjá leikmenn sem blaðið fjallar um en skrifar um þá.
Leikmaður 1
Einn hæfileikaríkasti leikmaðurinn sinnar kynslóðar, lífsstíll hans er til umræðu í búningsklefa hans. Hann hefur tekið pillurnar með vodka og kampavíni í gleðskap. Hann er í engu standi á æfingu eftir slíkt kvöld.
Leikmaður 2
Atvinnumaður til fjölda ára og mikla reynslu af enska landsliðinu. Fékk Zolpidem fyrst hjá félagi sína en byrjaði að blanda þeim við áfengi. Er núna háður pillunum en eiginkona hans grátbiður hann um að leita sér hjálpar eftir að hafa fundið hann í sófanum.
Leikmaður 3
Ung stjarna sem er talið að verði fastamaður í enska landsliðinu. Hefur ekki spilað vel undanfarið sem gæti verið vegna þess að hann er háður pillunum. Fólk hefur áhyggjur af því að hann nýti ekki hæfileika sína.