Ari Freyr Skúlason leikmaður Oostende í Belgíu hefur ekki getað spilað síðustu daga og vikur eftir að hafa greinst með COVID-19.
Þessi öflugi vinstri bakvörður er á batavegi og vonast til að komast á fulla ferð á nýjan leik innan tíðar.
„Ég útskrifaðist síðasta fimmtudag en ég tel mig hafa sloppið nokkuð vel. Ég missti bara bragð- og lyktarskyn og ég fann fyrir smáþreytu fyrstu vikuna en ekkert alvarlegt þannig,“ segir Ari Freyr í samtali við Morgunblaðið.
Öll fjölskylda Ara, eiginkona og börn fengu veiruna á sama tíma og hafa þau borið sig vel þrátt fyrir.
„Við fengum þetta öll fjölskyldan og miðað við hvernig ástandið er í heiminum í dag tel ég okkur öll hafa sloppið mjög vel,“ sagði Ari.
Búast má við að Ari Freyr verði í fyrsta landsliðshópi Arnars Þórs Viðarssonar sem kynntur verður innan tíðar.
Enski boltinn á 433 er í boði 
