Ronnie Wallwork fyrrum leikmaður Manchester United gæti verið á leið í fangelsi eftir að hafa játað brot sitt. Wallwork er ákærður fyrir líkamsárás.
Wallwork var vonarstjarna í unglingastarfi United og varð Englandsmeistari með félaginu árið 2001. Ferill hans hjá United náði ekki flugi en Wallwork lék rúma 100 leiki fyrir West Brom á ferli sínum.
Wallwork er 43 ára gamall og er sakaður um að hafa skaðað sjón hjá manni sem hann lenti í áflogum við á knæpu í Bretlandi.
Wallwork er sakaður um að hafa ráðist á manninn, hann er sakaður um að hafa skallað manninn með fyrrgreindum afleiðingum.
„Sú staðreynd að þú hafir játað brotið, mun hjálpa þér,“ sagði dómari þegar málið var tekið fyrir.
Dómarinn sagðist þurfa að afla meiri upplýsinga og fá vitni áður en ákvörðunin um refsingu yrði tekin. Hún lét Wallwork vita af því að dvöl á bak við lás og slá gæti beðið hans.
Enski boltinn á 433 er í boði 
