Guðlaugur Victor Pálsson kom inn á sem varamaður á 84. mínútu í 5-2 sigri Schalke gegn Sandhausen í þýsku B-deildinni í dag.
Markalaust var eftir fyrri hálfleik en mörkunum rigndi inn í þeim seinni.
Marcel Ritzmaier kom gestunum í Sandhausen yfir á 47. mínútu. Thomas Ouwejan og Marius Bulter sneri leiknum við með mörkum fyrir Schalke á 58. og 64. mínútu.
Forysta heimamanna jókst enn frekar þegar Aleksandr Zhirov í liði Sandhausen skoraði sjálfsmark.
Pascal Testroet lagaði stöðuna fyrir Sandhausen en Bulter og Rodrigo Zalazar Martinez áttu eftir að bæta við mörkum fyrir heimamenn. Lokatölur 5-2 fyrir Guðlaug Victor og félaga.
Schalke er í fjórða sæti deildarinnar með 26 stig, 2 stigum frá umspilssæti.