Manchester United er í viðræðum við Ernesto Valverde um að taka við sem bráðabrigðastjóri liðsins út tímabilið. Enskir miðlar segja frá þessu í kvöld.
Valverde er atvinnulaus eftir að hafa síðast þjálfað Barcelona þar til í byrjun síðasta árs. Hann er einn af fimm mönnum á lista Man Utd yfir hugsanlega arftaka Ole Gunnar Solskjær sem var rekinn á dögunum.
Mauricio Pochettino hefur einnig verið sterklega orðaður við stjórastöðuna hjá Man Utd. Félagið sæi hann þó frekar sem framtíðarmann heldur en bráðabirgðastjóra.
Pochettino er þrátt fyrir það sagur klár í að yfirgefa stöðu sína sem knattspyrnustjóri Paris Saint-Germain strax til að taka við Man Utd. Hann hefur áður stýrt Tottenham í ensku úrvalsdeildinni.
Auk þess hefur Zinedine Zidane verið orðaður við starfið hjá Man Utd sem framtíðarmaður. Pochettino er þó talinn líklegri.
Enski boltinn á 433 er í boði 
