Liverpool vann öruggan 4-0 sigur á Arsenal í kvöld. Mane, Salah, Jota og Minamino skoruðu mörk Liverpool í leiknum. Trent-Alexander Arnold var með tvær stoðsendingar í leiknum en hann hafði þetta að segja eftir leik.
„Þetta var nákvæmlega það sem við þurftum. Lið sem er með jafnmikið af hæfileikaríkum leikmönnum og við á einfaldlega ekki að tapa leikjum,“ sagði Trent Alexander-Arnold við Sky Sports.
„Seinni hálfleikurinn var stórkostlegur. Við pressuðum mjög vel fyrstu 15-20 mínúturnar í seinni og þeir réðu ekkert við okkur.“
Eins og áður sagði var Trent með tvær stoðsendingar í leiknum. Hann hefur verið ansi duglegur að því undanfarið en hann var meðal annars með þrjár stoðsendingar hjá enska landsliðinu í vikunni.
„Það er gott að geta gefið liðinu eitthvað. Minn leikur snýst um að skora og búa til mörk. Ég þarf að halda því áfram.“